Аграрлық маусым басталды
Абай облысының әкімі «Лина Агро» ЖШС-нің көктемгі дала жұмыстарын жүргізу барысын тексерді. Сапар барысында өңір басшысына серіктестік директоры атқарылып жатқан жұмыстар туралы баяндама жасады.
Кәсіпорын 2016 жылы құрылған және өсімдік шаруашылығымен айналысады. Қазіргі таңда серіктестікте 41 адам жұмыс істейді. Шаруашылықта 31 техника бар: 19 трактор, 8 комбайн және өзге де ауыл шаруашылығы машиналары пайдаланылады.
Жалпы егістік алқабы 9 мың гектардан асады. Оның ішінде бидай, күнбағыс және өзге дақылдар егілген. Сонымен қатар жайылым жерлер де қарастырылған.
Кездесу барысында көктемгі егіс науқанының барысы, техниканың дайындығы және еңбек ресурстарының жеткіліктілігі талқыланды. Облыс әкімі аграрлық жұмыстарды уақытылы әрі сапалы жүргізудің маңызын атап өтті.
