Сабантой күні Семейде қандай өзгеріс болады?
Семей қаласында 13 маусым күні «Бейбітшілік» аралында Сабантой мерекесіне арналған мәдени-көпшілік іс-шара өтеді. Осыған байланысты қала тұрғындары мен қонақтары үшін көлік қозғалысын ұйымдастыруға уақытша өзгерістер енгізіледі.
Қала әкімдігінің мәліметінше, мереке күні сағат 09:00-ден 14:00-ге дейін «Бейбітшілік» аралына кіреберіс жол учаскесінде автокөлік қозғалысы уақытша тоқтатылады. Шектеу қоғамдық қауіпсіздікті қамтамасыз ету және мерекелік іс-шараны жоғары деңгейде өткізу мақсатында енгізілуде.
Осыған байланысты жүргізушілерге қозғалыс бағытын алдын ала жоспарлап, уақытша қолайсыздықтарға түсіністікпен қарау ұсынылады.
Сабантой – түркі халықтарының еңбек пен берекені дәріптейтін дәстүрлі мерекелерінің бірі. Мерекелік бағдарлама аясында ұлттық спорт түрлері, мәдени шаралар мен концерттік бағдарламалар ұйымдастырылады деп күтілуде.
Қала әкімдігі семейліктер мен қала қонақтарын мерекелік іс-шараға қатысуға шақырады.
