Семейде жолды түнде жөндейді

Семей қаласында жол жөндеу жұмыстары енді түнгі уақытта жүргізіледі. Шешім облыс әкімінің тапсырмасына және тұрғындардың өтініштеріне сәйкес қабылданды.

Негізгі мақсат – күндізгі уақытта көлік қозғалысына түсетін жүктемені азайтып, кептелістердің алдын алу. Осы арқылы қаладағы жол қозғалысының тиімділігі артады.

Осыған байланысты асфальт-бетон зауыты да жұмыс кестесін өзгертіп, түнгі режимге көшеді. Бұл жөндеу жұмыстарын жеделдетіп, сапасын арттыруға мүмкіндік береді.

Қабылданған шаралар қала инфрақұрылымын жақсартуға және тұрғындарға қолайлы жағдай жасауға бағытталған.