Абай облысында туристік маусымның өту барысы мен құрылыс саласындағы мемлекеттік бақылау мәселелері қаралды

Бүгін облыс әкімі Берік Уәлидің төрағалығымен кеңейтілген аппараттық кеңес өтті. Жиында өңірдегі туристік маусымның өту барысы, туристік инфрақұрылымды дамыту, демалыс орындарындағы қауіпсіздік шаралары, санитариялық жағдай, инженерлік инфрақұрылымның жай-күйі, сондай-ақ мемлекеттік сәулет-құрылыс бақылауы басқармасының 2026 жылдың алғашқы жартыжылдығындағы жұмыс қорытындылары жан-жақты қаралды.

Кеңеске облыс әкімінің орынбасарлары, облыстық басқармалар мен департаменттердің басшылары, құқық қорғау және төтенше жағдайлар органдарының жетекшілері қатысты. Аудан және қала әкімдері жиынға бейнебайланыс арқылы қосылып, өз аумақтарындағы жұмыстардың барысы туралы ақпарат берді.

Күн тәртібіндегі негізгі мәселелер бойынша облыстық туризм басқармасының басшысы Бекжан Бапышев пен мемлекеттік сәулет-құрылыс бақылауы басқармасының басшысы Сайлауғалы Байназаров баяндама жасады.

Туристік маусым тұрақты бақылауда

Кеңесте айтылғандай, Абай облысында жазғы туристік маусым басталғалы бері өңірдің негізгі туристік аймақтарында қауіпсіздікті қамтамасыз ету, инфрақұрылымды дамыту және туристерге қолайлы жағдай жасау бағытындағы жұмыстар күшейтілген режимде жүргізілуде.

Бүгінде облыстың басты туристік бағыттары қатарында Алакөл көлі, Шипалы көлі, Шүлбі су қоймасы және Семей қаласының жағажайлары бар. Осы демалыс орындарында инженерлік инфрақұрылымды жаңарту, санитариялық жағдайды жақсарту, қоғамдық қауіпсіздікті қамтамасыз ету және қызмет көрсету сапасын арттыру бойынша кешенді шаралар қабылданған.

Алакөлдегі қауіпсіздік пен инфрақұрылым күшейтілді

Облыстың ең ірі туристік орталығы саналатын Алакөл жағалауы жазғы маусым кезінде тәулігіне 30 мыңға дейін демалушыны қабылдайды.

Туристердің қауіпсіздігін қамтамасыз ету мақсатында жағалауда 224 интеллектуалды бейнебақылау камерасыорнатылып, олар тәулік бойы жұмыс істейді. Камералар қоғамдық тәртіпті бақылауға, құқық бұзушылықтардың алдын алуға және төтенше жағдайларға жедел әрекет етуге мүмкіндік береді.

Сонымен қатар мобильді байланыс пен интернет сапасын жақсарту үшін жағалауда екі жаңа антенна-діңгек құрылымы пайдалануға берілді. Бұл туристерге тұрақты байланыс қызметін пайдалануға мүмкіндік жасап қана қоймай, төтенше жағдайларда жедел қызметтердің жұмысын жеңілдетеді.

Жол инфрақұрылымын дамыту жұмыстары да жалғасуда. Өткен жылы жағалауға апаратын 5 шақырым автомобиль жолына орташа жөндеу жүргізілсе, биыл дәл осындай көлемдегі жолға жаңадан асфальт төселді. Бұл көлік қозғалысының қауіпсіздігін арттырып, туристердің жайлы қатынауына жағдай жасап отыр.

Демалушылар үшін жағалауда қажетті тұрмыстық инфрақұрылым қалыптастырылған.

Атап айтқанда:

• 25 санитариялық торап;
• 35 душ кабинасы;
• 40 киім ауыстыру кабинасыорнатылды.

Суға түсушілердің қауіпсіздігі үшін жағалау бойында 5 мың метрге созылған буйлар орнатылып, арнайы пирстер мен толқын бәсеңдеткіш гидротехникалық құрылыстар салынды.

Жазғы маусым барысында туристердің қауіпсіздігін қамтамасыз ету үшін тәулік бойы:

• Төтенше жағдайлар департаментінің 20 құтқарушысы;
• 10 ерікті құтқарушы;
• 54 полиция қызметкерікезекшілік атқарады.

Олар қоғамдық тәртіпті қамтамасыз ету, суда қауіпсіздікті сақтау және төтенше жағдайлардың алдын алу жұмыстарын тұрақты жүргізуде.

Басқа туристік орындарда да инфрақұрылым жаңартылуда

Кеңесте облыс әкімінің тапсырмасына сәйкес өңірдегі басқа туристік аймақтарды дамыту жұмыстары да жүйелі түрде жалғасып жатқаны атап өтілді.

Шүлбі су қоймасы жағалауында қажетті инженерлік және санитариялық инфрақұрылым қалыптастырылды.

Демалыс аймағында:

• санитариялық тораптар;
• қоқыс контейнерлері;
• киім ауыстыру кабиналары орнатылған.

Қазіргі уақытта жұмыс күндері бұл жерде күніне 500-1000 адам, ал демалыс күндері 2 мыңнан 4 мыңға дейін турист демалады.

Ал Бесқарағай ауданындағы Шипалы көлінде туристік инфрақұрылымды жаңғырту жұмыстары жалғасуда.

Қазіргі таңда мұнда:

• 19,8 шақырым электр желісін тарту;
• ауыз су жүйесін жүргізу;
• қатты тұрмыстық қалдықтарға арналған полигон салу жұмыстары басталған.

Жазғы маусым кезінде Шипалы көліне тәулігіне 5 мыңнан 10 мыңға дейін турист келеді.

Семей жағажайлары жаңартылды

Семей қаласының тұрғындары мен қонақтарына арналған жағажайларда да ауқымды абаттандыру жұмыстары жүргізілді.

Атап айтқанда, «Заря», «Затон» және «Пристань» жағажайларында:

• құтқару мұнаралары;
• медициналық пункттер;
• күзет бекеттері;
• санитариялық тораптар;
• демалыс инфрақұрылымы толық жабдықталды.

Демалыс күндері аталған жағажайларға 3 мыңнан 5 мыңға дейін адам келеді.

Туристерге арналған жаңа сервистер іске қосылды

Өңірдің туристік әлеуетін дамыту мақсатында «Visit Abai» коммуналдық мемлекеттік мекемесі құрылып, туристік бағыттарды насихаттау, инвесторлармен жұмыс жүргізу және туристерге ақпараттық қолдау көрсету бағытында жүйелі жұмыстар атқарылуда.

Сонымен қатар өңірге келетін қонақтарға ыңғайлы болу үшін «Abai Travel» мобильді қосымшасы іске қосылған.

Қосымша арқылы туристер:

• көрікті орындар туралы ақпарат алады;
• маршруттарды қарай алады;
• қонақ үйлер мен демалыс орындарын табады;
• қоғамдық тамақтану орындары мен қызмет көрсету нысандары туралы мәлімет алады;
• төтенше жағдайда қажетті байланыс нөмірлеріне қол жеткізе алады.

Облыс әкімі нақты тапсырмалар берді

Кеңес қорытындысында облыс әкімі Берік Уәли жауапты мемлекеттік органдар мен аудан, қала әкімдеріне туристік маусым аяқталғанға дейін барлық демалыс орындарында қауіпсіздік мәселелеріне ерекше көңіл бөлуді тапсырды.

Аймақ басшысы қоғамдық тәртіптің сақталуы, санитариялық тазалық, медициналық көмектің қолжетімділігі, инженерлік желілердің үздіксіз жұмысы және туристерге көрсетілетін қызметтердің сапасы тұрақты бақылауда болуы керектігін айтты.

«**Жазғы туристік маусымның ең қызған кезеңіне аяқ бастық. Облыстың негізгі туристік дестинацияларында, әсіресе Алакөл жағалауында келушілер саны айтарлықтай артты. Сондықтан туристердің қауіпсіздігін қамтамасыз ету, санитариялық тазалықты сақтау, инженерлік және көлік инфрақұрылымының үздіксіз жұмысын ұйымдастыру, медициналық қызметтің қолжетімділігі мен көрсетілетін қызметтердің сапасы ерекше бақылауда болуы тиіс.

Туризм – өңір экономикасының маңызды бағыттарының бірі. Сондықтан әрбір жауапты мемлекеттік орган мен аудан, қала әкімдері туристік маусымның қалыпты өтуіне тікелей жауапты екенін тағы да атап өтемін**», – деді Берік Уәли.

Құрылыс саласындағы мемлекеттік бақылау күшейтілуде

Кеңесте қаралған екінші мәселе – мемлекеттік сәулет-құрылыс бақылауы басқармасының қызметі болды.

Басқарма мәліметінше, құрылыс нысандарының заң талаптарына сәйкестігін қамтамасыз ету мақсатында өңірде тұрақты мониторинг жүргізілуде.

2026 жылы облыс бойынша 310 құрылыс нысанын бақылау жоспарланған.

Бүгінгі күнге дейін олардың 136-сына мониторинг жүргізілді.

Тексеру барысында анықталған кемшіліктер бойынша жергілікті атқарушы органдар мен мердігер ұйымдарға тиісті нұсқамалар беріліп, заң бұзушылықтарды жою жұмыстары қолға алынған.

Сонымен қатар құрылыс-монтаж жұмыстарының сапасы, жобалық құжаттардың сақталуы, техникалық және авторлық қадағалау талаптарының орындалуы тұрақты бақылауда.

Анықталған заң бұзушылықтар бойынша заңнамаға сәйкес тиісті әкімшілік шаралар қабылдануда.

Заң талаптары қатаң сақталуы тиіс

Кеңес соңында облыс әкімі құрылыс саласындағы бақылауды одан әрі күшейтуді тапсырды.

Берік Уәли мониторинг барысында анықталған барлық заң бұзушылықтарды толық жоюды, инженерлік инфрақұрылым нысандарын белгіленген мерзімде пайдалануға беруді және құрылыс сапасына қойылатын талаптардың қатаң сақталуын қамтамасыз етуді жүктеді.

«Құрылыс саласындағы заңдылықтың сақталуын қамтамасыз ету, салынып жатқан нысандардың сапасы мен қауіпсіздігін бақылау, мемлекеттік инвестициялардың тиімді игерілуін қадағалау – өңірдің тұрақты дамуы үшін аса маңызды міндеттердің бірі.

Бүгінде облыс аумағында әлеуметтік нысандардың, инженерлік инфрақұрылымның және тұрғын үй құрылысының көлемі жыл сайын артып келеді. Сондықтан құрылыс сапасына бақылауды күшейту, анықталған заң бұзушылықтарды дер кезінде жою және заң талаптарының мүлтіксіз орындалуын қамтамасыз ету ерекше назарда болуы тиіс», – деді облыс әкімі.

Кеңес қорытындысы бойынша жауапты басқармалар мен аудан, қала әкімдеріне берілген тапсырмалардың орындалуы тұрақты бақылауға алынды. Аймақ басшысы барлық жұмыстар белгіленген мерзімде әрі сапалы орындалуы тиіс екенін атап өтіп, туристік инфрақұрылымды дамыту мен құрылыс саласындағы мемлекеттік бақылауды күшейту өңірдің әлеуметтік-экономикалық дамуының маңызды бағыттарының бірі болып қала беретінін жеткізді.