Семейде жылыту маусымы басталғалы 400-ге жуық түтін датчигі орнатылды

Семей қаласында 2026–2027 жылдардағы жылыту маусымы басталғалы жеке тұрғын үйлерге 400-ге жуық түтін датчигі орнатылды. Бұл туралы қала әкімдігі хабарлады.

Семей қаласының әкімдігі Төтенше жағдайлар басқармасымен бірлесіп, тұрғындар арасында өрт қауіпсіздігі талаптарын түсіндіру жұмыстарын жүргізіп жатыр. Негізгі мақсат – тұрғын үйлердегі өрттің алдын алу және иіс газынан улану қаупін азайту.

Мамандар жылыту маусымында, әсіресе, пешпен жылытылатын жеке үйлерде қауіпсіздік талаптарын қатаң сақтауға шақырады. Ол үшін:

• мұржалар мен пеш құбырларын күйеден уақтылы тазалау;
• түтін датчиктерін орнату;
• жанып тұрған пешті қараусыз қалдырмау;
• балалардың қауіпсіздігін қадағалау қажет.

Қарапайым қауіпсіздік шараларын сақтау өрттің алдын алуға, адам өмірі мен мүлкін қорғауға көмектеседі.