Семейдің үнсіз қасіреті

Семей тарихында бір кездері «өлім вагондары» болғанын білесіз бе?

Бұл жай ғана ескі дерек емес — талай адамның тағдырымен байланысты шындық.

Қазір көпшілік күнде жүріп өтетін бұл аумақ сырт көзге мүлде қарапайым көрінеді. Бірақ бір ғасыр бұрын дәл осы жерде азамат соғысы кезеңінің ең ауыр оқиғаларының бірі орын алған. Мұнда тұтқындар айдалып, арнайы жабдықталмаған суық вагондарда ұзақ уақыт ұстаған. Сол кезден қалғаннан кейін «өлім вагондары» деп аталып кеткен.

1918–1919 жылдары өңірдегі жағдай тым тұрақсыз болды. Билік бірнеше рет ауысып, көптеген адамдар тұтқынға алынды. Алдымен олар түрмеде отырды, кейін Анненков жасағының бақылауымен Омбы бағытына күштеп айдалды. Аяз, аштық, жол азабы — бәрі тұтқындардың жағдайын ауырлатып жіберді. Ең сорақысы — сапар барысында адамдар тоңып, әлсіреп, көбінің өмірі осы вагондар ішінде үзілді.

Семей маңында тұрған вагондарда талай адамның тағдыры осылайша шешілген. Бүгінде дәл осы жерде мемориалдық кешен орналасқан. Онда вагонның реконструкциясы, азар мүсіндері және трубач композициясы қайғылы кезеңді еске салып тұрады.

Қазір бұл аумақ қалыпты орын болып көрінгенімен, оның астарында Семейдің ауыр тарихының ең қасіретті беттерінің бірі жатыр.

Біз осындай көпшілік біле бермейтін тарихи нүктелерді таныстырып, Семейдің өзге қырын ашуды мақсат етеміз. Алда әлі талай ерекше жерді бірге танып, білеміз.