Өңір спортшыларына қолдау күшейді

Биыл өңірде спорт саласын дамытуға ерекше көңіл бөлінуде. Жаңа спорт нысандарын салу, ескі кешендерді жаңарту және тұрғындардың спортпен тұрақты айналысуына жағдай жасау басты міндет. Негізгі мақсат – спорт нысандарын көбейтіп қана қоймай, оларды халыққа қолжетімді ету.

Қазір өңірде 18 спорт нысанының құрылысы жүріп жатыр. Олардың барлығы 2026 жылы пайдалануға беріледі. Бұл спортшылардың халықаралық жарыстарға жақсы дайындалуына мүмкіндік береді.

Биыл бірқатар ірі халықаралық жарыс өтеді. Соған байланысты өңір спортшылары заманауи нысандарда дайындықтарын пысықтауда.

Жерлесіміз, шаңғышы Әмірғали Мұратбеков қысқы Олимпиада ойындарына жолдама алып, ел намысын қорғайтын спортшылар қатарына қосылды. Бұл өңір үшін үлкен мақтаныш.