Дмитриевка ауылында жаңа өрт сөндіру пункті ашылды

Бородулиха ауданының Дмитриевка ауылында Төтенше жағдайлар министрлігінің «Ауыл құтқарушылары» бағдарламасы аясында жаңа өрт сөндіру пункті іске қосылды.

Пункт екі бірлік техникамен жабдықталған және жедел әрекет етуге қажетті барлық инфрақұрылыммен қамтамасыз етілген. Диспетчерлік, гараж, демалыс және тұрмыстық бөлмелер бар.

Жаңа пункт Дмитриевка және Боровое ауылдарының 1151 тұрғынына қызмет көрсетеді. Орманмен қоршалған аумақта орналасуы оны стратегиялық тұрғыдан маңызды етеді.