Аягөзде химиялық реагенттер қоймасы салынбақ

Облыс әкімі Берік Уәли «АқтасХимПром» ЖШС директоры Азамат Сағатовпен кездесті. Олар Аягөз ауданында салынатын химиялық реагенттер қоймасының жобасын қарады. Бұл туралы Абай облысы әкімдігінің баспасөз қызметі хабарлады.

Жоба жеке инвестиция есебінен іске асады. Қоймада химиялық заттар қабылданып, сақталып және жөнелтіледі. Нысанда сақтау аймақтары, жүк тиеу алаңы және қызметтік ғимараттар болады.

Аймақ басшысы бұл жоба Аягөз ауданы үшін маңызды екенін айтып, әкімдік тарапынан қолдау көрсетілетінін жеткізді.