Жаңасемейге су біртіндеп жетіп келеді

Жаңасемейде тұрғындарды толық ауыз сумен қамту бағытында жұмыстар жалғасуда.

2025 жылы Алғабас, Ақбұлақ, Половинки, Гранитный және Шағанкент ауылдарында су құбыры тартылып, халық игілігіне берілді.

Талица ауылында да құрылыс аяқталып, іске қосылмақ.

Ал Приречный ауылындағы су желілерін жаңғырту жұмыстары 2026 жылға жалғасады.

Шақаман ауылында су құбырын жаңарту жобасы әзірленіп, сараптамаға жолданады.