«Елімай» пенальти сериясында жеңіліп, Еурокубокпен қоштасты

Семейлік «Елімай» УЕФА Конференциялар лигасының бірінші іріктеу кезеңінде армениялық «Алашкерттен» өте алмай, жарысты аяқтады.

Семейдегі «Спартак» стадионында өткен қарымта кездесудің негізгі және қосымша уақыты 2:2 есебімен аяқталды. «Елімай» сапынан Ақмал Бахтияров (11) пен Хрвое Илич (96, пенальти) гол соқты. Қонақтар құрамында Момо Туре (4) мен Даудо Тогола (121) мергендік танытты.

Пенальти сериясында «Алашкерт» 6:5 есебімен басым түсіп, келесі кезеңге өтті. Алғашқы матч 1:1 есебімен аяқталған еді. «Елімай» еурокубоктағы жорығын бірінші іріктеу кезеңінде аяқтады.