Абай облысында ЖИ мүмкіндіктері талқыланды

Абай облысында жасанды интеллект технологияларын меңгеруге арналған оқыту семинары ұйымдастырылды. Шара Мемлекет басшысының биылғы Жолдауындағы цифрлық дамуды жеделдету және жасанды интеллектті қоғам өміріне кезең-кезеңімен енгізу міндетін жүзеге асыру мақсатында өтті.

Семинарды Абай облысы әкімінің тапсырмасымен Ішкі саясат басқармасы өткізді. Төрт бөлімнен тұратын бағдарламаға мемлекеттік қызмет өкілдері мен өңірлік БАҚ журналистері қатысты.

80-ге жуық қатысушы заманауи технологиялармен танысып, жасанды интеллект құралдарын тиімді қолдану тәсілдерін үйренді. Жиын жаңа идеялармен бөлісіп, тәжірибе алмасуға мүмкіндік берді.