Енді құс еті экспортқа шығады

Аягөз, Мақаншы және Үржар аудандарында құс фабрикалары салынбақ. Соның нәтижесінде құс еті өндірісі қосымша 15 мың тоннаға өсіп, экспорт көлемі 36 млн долларға артады. Қазір Жаңасемей ауданында инвестормен бірлесіп, осы бағытта қуаттылығы 5 мың тонна болатын жоба жүзеге асырыла бастады.

Бұл игіліктерге жол ашқан — Қытай Халық Республикасына шығатын, ұзындығы 272 шақырымды құрайтын Бақты – Аягөз теміржол желісі. Оның құрылысы экспорттық тауар ағынын ұлғайтып, соның ішінде құс өнімдерінің сыртқы нарыққа шығу мүмкіндіктерін айтарлықтай кеңейтеді.