Камышенка ауылында жаңа мәдениет клубы ашылды

Камышенка ауылында ұзақ уақыт бойы мәдениет клубы болмаған. Бүгінде жаңа нысан іске қосылып, ауыл тұрғындары үшін мәдени-шығармашылық жұмыстарды ұйымдастыруға мүмкіндік туды. Клубтың жұмысы аясында бірнеше жұмыс орны ашылып, балаларға арналған шахмат, дойбы, тоғызқұмалақ, домбыра және музыкалық аспап үйірмелері қызметін бастады.

Жаңа мәдени кеңістік ауылдың қоғамдық өмірін жандандырып, жас ұрпақтың бос уақытын тиімді өткізуіне жағдай жасап отыр.