Чемпион мәртебесі В сынамаға байланысты

Орта салмақта WBO және IBF нұсқалары бойынша әлем чемпионы Жәнібек Әлімханұлы допингке қатысты тексеріс ортасында қалды. Кубалық Эрисланди Ларамен жекпе-жек қарсаңында боксшының қанынан тыйым салынған мельдоний препараты анықталған.

А сынамасының оң нәтижесінен кейін спортшының командасы В сынамасын қайта талдау рәсімін бастады. Қазіргі таңда тараптар қосымша тексерістің қорытындысын күтіп отыр. Бұл нәтиже чемпионның алдағы мансабына тікелей әсер етпек.

Сарапшылардың айтуынша, егер В сынамасы да оң нәтиже берсе, Әлімханұлы уақытша жарыстардан шеттетіліп, чемпиондық белбеулерінен айырылуы мүмкін. Ал теріс нәтиже шыққан жағдайда спортшы айыптаудан толық ақталады.

Қорытынды шешім жақын күндері жарияланады.