Курчатовта мектеп жаңа талапқа сай жаңғырды

Аймақ басшысы Берік Уәли Курчатов қаласындағы №2 орта мектебіне барып, жұмысымен танысты.

«Қазақстан халқына» қорының қолдауымен мектептің материалдық-техникалық базасы жаңартылды. Жаңа форматтағы кабинеттер ашылып, STEM-зертхана, физика, химия, биология және робототехника сыныптары заманауи құралдармен жабдықталды.

Берік Уәли жаңартылған кабинеттерді көріп, бұл жұмыстар білім сапасын арттыруға мүмкіндік беретінін атап өтті.