7 мыңнан аса жас жұмыспен қамтылды

Жыл басынан бері Абай облысында 7 000-нан астам жас тұрақты жұмысқа орналасты. Бұл туралы өңірлік коммуникациялар қызметінің алаңында облыс әкімінің орынбасары Мейірлан Раханов мәлімдеді.

Жастар арасындағы жұмыссыздық деңгейін төмендету мақсатында жыл басынан бері 149 бос жұмыс орындары жәрмеңкесі ұйымдастырылып, 1 500-ден астам жас қамтылған.

Қазіргі таңда өңірде 150 мыңнан астам жас азамат тұрады. Олар аймақтың әлеуметтік-экономикалық дамуына және қоғамдық өміріне белсене атсалысып келеді.