Нұртай Салихұлы Сабильянов: Абай облысын газдандыру мәселесі көтерілді

Парламент Мәжілісінің жалпы отырысында газбен жабдықтауға қатысты заң жобасы бірінші оқылымда мақұлданды.

Отырыс барысында депутат Нұртай Салихұлы Сабильянов Абай облысының елді мекендерін газбен қамтамасыз ету мәселесін көтерді. Бұл тақырып өңір тұрғындарымен кездесулер кезінде жиі айтылатыны атап өтілді.

Облыста қыс мезгілі ұзаққа созылатындықтан, тұрғындар негізінен көмір пайдаланады. Ал көмір бағасының өсуі мен сапасының төмендеуі халыққа қосымша қиындық туғызуда.

Депутат бұл мәселені әлеуметтік желідегі парақшасында да жариялап, өңірді газдандыруды жеделдетудің маңызын атап өтті.