Елена Рыбакина Australian Open турнирінің чемпионы атанды
Қазақстандық теннисші Елена Рыбакина мансабында екінші рет «Үлкен дулыға» турнирінің жеңімпазы атанды.
Ол Australian Open турнирінің финалында әлемнің бірінші ракеткасы, Беларусь өкілі Арина Соболенконы жеңіп, чемпиондық титулды иеленді.
Финалдық кездесудің алғашқы сетінде әлемдік рейтингте бесінші орында тұрған Рыбакина қарсыласын брейкпен басып озып, партияны 6:4 есебімен өз пайдасына аяқтады.
Екінші сет аса тартысты өтті. Ұзақ уақыт бойы тең есеп сақталғанымен, шешуші сәтте Соболенко есепті теңестіріп, партия 6:4 есебімен оның пайдасына шешілді.
Шешуші үшінші сетте беларусь теннисшісі ойын басында басымдыққа ие болып, 3:0 есебімен алға шықты. Алайда Рыбакина таразы басын өз жағына аударып, қатарынан бес геймді ұтып, матчты сенімді түрде жеңіспен аяқтады.
Осылайша қазақстандық спортшы тағы бір мәрте әлемдік теннис элитасындағы орнын дәлелдеді.
