Жолда мұқият бол

Атмосфералық фронттардың өтуіне байланысты Абай облысының басым бөлігінде жаңбыр мен қар түріндегі жауын-шашын күтіледі. Кей өңірлерде көктайғақ болуы мүмкін. Солтүстік-шығыста қар немесе сулы қар жаууы ықтимал.

Жел күшейіп, түнгі температура нөлге дейін төмендейді, күндіз 0…+2 °C шамасында болады.

Полицейлер елді мекендерден шығаберістерде жол жағдайын тексеріп, түсіндіру жұмыстарын жүргізуде. Омбы–Майқапшағай автожолында жауын-шашын тіркелген.

Өңірдің жол жағдайына байланысты жүргізушілерге:

– жылдамдықты төмендету;

– маневр кезінде сақ болу;

– көліктер арасындағы қашықтықты сақтау;

– аса қажет болмаса, алыстағы сапарларды шегеру ұсынылады.