Қауіп қайдан келеді?
Семейде студенттерге заң мен қауіпсіздік туралы ашық әрі нақты ескерту жасалды. Қоғамдық қауіпсіздік бөлімінің ювенальдық полиция қызметкерлері 100-ге жуық колледж білім алушысына арнайы сабақ өткізіп, құқықбұзушылықтың салдары мен қауіпсіз өмірдің негізгі қағидаларын түсіндірді.
Кездесу «Авиценна» жоғары медициналық колледжінде өтті. Дәріс барысында бопсалау, ұрлық, алаяқтық және ойын-сауық орындарындағы қауіпсіздік мәселелері талқыланды. Полиция қызметкерлері түнгі уақытта заңды өкілдерінің рұқсатынсыз көшеде жүрудің қауіпті екенін ерекше атап өтті.
Сондай-ақ студенттерге құқықбұзушылықтың алдын алу, қоғамдық орындардағы қауіпсіздік және заң талаптарын сақтаудың маңызы түсіндірілді. Полиция өкілдерінің айтуынша, мұндай профилактикалық шаралар жастардың құқықтық мәдениетін қалыптастырып, оларды түрлі қауіптен сақтауға көмектеседі.
